Кинон дундуур ганц нэг реклам явдаг байсан цаг саяхан мэт боловч одоо цагт рекламан дундуур кино үзэх гэж зүдэрдэг болсон гэж хэлэхэд хилсдэхгүй. Учир нь өнөөгийн нийхэмд "Рекламны пауз" гэж зүйл нь ихэд өндөр байр суурь эзлэх болсон байна. Хөлс хөдөлмөр шингэсэн олон сайхан кинонуудыг өрнөлтэй эгзэгтэй хэсэг дээр нь хайр найргүй тасдан утга учирыг нь алдагдтал өнөөх саван шампунь оо сойзоо рекламдаж киноныхоо амтанд орчихсон үзэгчдийн сэтгэл хөдлөл урмыг хугалдаг болсоор хэдэн ч жилийн нүүр үзчихэв. Тэгээд тэр реклам нь бараг 20-оод минут шахам үргэлжилж кино үзэж буй хүмүүсийг залхаан цээрлүүлэх мэт болгож сувгаа солиход хүргэн эргээд сувгаа тааруулахад киноны чухал үйл явдал нь өнгөрчихсөн байх нь олонтаа байдаг бизээ. Ингэж хүмүүсийн дургүйцлийг төрүүлэн байж гаргасан рекламууд хүмүүст үнэхээр хүрч чадаж байна уу гэдгийг бас бодолцож үзмээр байгаа юм.
Миний бодлоор кино эхлэхийн өмнө рекламаа гаргавал илүү үр өгөөжтэй байх юм шиг санагдана. Бүр тусад нь рекламны цаг гаргаж яагаад болохгүй гэж? Реклам үзэх нэг нь үзнэ, үзэхгүй хүмүүсийг бол заавал эрх чөлөө хүсэл сонирхлыг нь боогдуулж хүчилж гаргаж байгаа нь нэг талаараа ёс суртахуунгүй хэрэг юм.
Ажлын ачаалал, замын түгжрэл, ар гэрийн асуудал гээд тархиндаа олон стресстэй өнөөгийн хүмүүс гэртээ хариад зурагтныхаа өмнө тухлан кино үзэж байтал гэнэт реклам тасдан гарч бас стресс нэмнэ. Бушуухан киногоо үзээд унтаж амрахыг бодовч реклам гарсаар киногоо бүтэн үзэлгүй орхих тохиолдол ч олон байдаг нь харамсалтай. Хүмүүс бид тэр болгон киног театрт нь үзээд байх боломж байдаггүй. Сүүлийн үед киноны хальс бичлэг хуулбар худалдан авч гэртээ үздэг хүмүүс ч олширсон. Мөн интернэтээс татаж үздэг ч болсон. Тэгэхлээр телевизийн кино үздэг хүн хомс болчихвол цаашлаад хүмүүс телевиз үздэггүй болчихвол яах вэ гэдгийг холбогдох хүмүүс нь бодолцох л асуудал баймаар.
Манай телевизийнхэн рекламны албаар дамжуулан санхүүжилт олдог болж, тэгэхээс ч өөр аргагүй болсон цаг үед амьдарч байгаа хэдий ч кино урлагийг бага ч болов хүндэтгэж элдэв зүйл дундуур нь оруулалгүй бүрэн эхээр нь гаргадаг болох цаг эргэн ирнэ гэж найднам.
Г. Отгонтуул
Миний бодлоор кино эхлэхийн өмнө рекламаа гаргавал илүү үр өгөөжтэй байх юм шиг санагдана. Бүр тусад нь рекламны цаг гаргаж яагаад болохгүй гэж? Реклам үзэх нэг нь үзнэ, үзэхгүй хүмүүсийг бол заавал эрх чөлөө хүсэл сонирхлыг нь боогдуулж хүчилж гаргаж байгаа нь нэг талаараа ёс суртахуунгүй хэрэг юм.
Ажлын ачаалал, замын түгжрэл, ар гэрийн асуудал гээд тархиндаа олон стресстэй өнөөгийн хүмүүс гэртээ хариад зурагтныхаа өмнө тухлан кино үзэж байтал гэнэт реклам тасдан гарч бас стресс нэмнэ. Бушуухан киногоо үзээд унтаж амрахыг бодовч реклам гарсаар киногоо бүтэн үзэлгүй орхих тохиолдол ч олон байдаг нь харамсалтай. Хүмүүс бид тэр болгон киног театрт нь үзээд байх боломж байдаггүй. Сүүлийн үед киноны хальс бичлэг хуулбар худалдан авч гэртээ үздэг хүмүүс ч олширсон. Мөн интернэтээс татаж үздэг ч болсон. Тэгэхлээр телевизийн кино үздэг хүн хомс болчихвол цаашлаад хүмүүс телевиз үздэггүй болчихвол яах вэ гэдгийг холбогдох хүмүүс нь бодолцох л асуудал баймаар.
Манай телевизийнхэн рекламны албаар дамжуулан санхүүжилт олдог болж, тэгэхээс ч өөр аргагүй болсон цаг үед амьдарч байгаа хэдий ч кино урлагийг бага ч болов хүндэтгэж элдэв зүйл дундуур нь оруулалгүй бүрэн эхээр нь гаргадаг болох цаг эргэн ирнэ гэж найднам.
Г. Отгонтуул
No comments:
Post a Comment