Сэтгэл минь юунд гэгэлзэнэ вэ?
Сэрүүн зүүд шиг гэнэтийн учралд уу
Дасаж ч амжаагүй нэгэн сэтгэлд үү
Даруухан нэгэн сүйн бэлэгт үү
Бодол минь юунд сарнина вэ?
Болгоомжгүй хэлсэн үгэнд үү
Борхон зүрхний түгшсэн цохилтонд уу
Бороотой өдрийн эгэлхэн дурсамжинд уу
Нойр минь юундаа хулжина вэ?
Насны ханиа олоод баярлахдаа юу
Намайг чи хайрлан уярдагт уу
Нэхэл хатуу сэтгэлийн минь утсанд уу...
No comments:
Post a Comment